BirdLife ya Afrika Borwa ke mokgatlo wo o ngwadišitšwego gape ke mokgatlo o nnoši wo o nago le pabalelo ya dinonyana tsa Afrika Borwa ka bophara. Pono ya rena ke go bona naga le tlhago le batho ba phela ka kwano ye kgolo, ka tekatekano le ka go ya go ile. Rele ba BirdLife ya Afrika Borwa re dirishana mmogo le ba BirdLife tsa boditšhabatšhaba.
BirdLife ya Afrika Borwa ke mokgatlo wo o theilwego godimo ga maloko, wo o nago le maloko a go feta dikete tse hlano (5 000) ka dihlopha tša dinonyana tša go feta masomenne (40) go ralala le Afrika Borwa. Se sengwe gape re tšweletša ye nngwe ya dimakasine/kgatišobaka tše kaone tša go lebelela dinonyana, e lego African Birdlife.
BirdLife ya Afrika Borwa e hlomphiwa ka go ba le bašireletši ba bane ba go hlomphega le bao ba nago le phišegelo ya tlhago bjalo ka bašireletši ba yona ba tlhompho, elego Dr Precious Moloi-Motsepe, Mohumagadi Gaynor Rupert, Mohumagadi Pamela Isdell le Morena Mark Shuttleworth, ga mmogo le moprofesara Anusuya Chinsamy-Turan yoo ebile ke mopresitente wa rena wa tlhompho.
BirdLife ya Afrika Borwa e na le mananeo a mmalwa a pabalelo ya tlhago:
Lenaneo la Pabalelo ya Selete
Lenaneo la Pabalelo ya Selete ba ikemišeditše go thekga dinaga tša Afrika tšeo di dirišanago go hlahloba maemo a mehuta ya dinonyana tšeo diphedi le ditshepedišo tša tswalano ya diphedi le tikologo ya tšona tšeo di lego kotsing; go hlaola mafelo a bohlokwa kudu a mehuta ye ya diphedi le ditshepedišo tša tswalano ya diphedi le tikologo ya tšona; gomme, mafelelong, go phethagatša melawana ya maleba ya pabalelo le kgato ya go šireletša mafelo a.
Lenaneo la Pabalelo ya Naga
Lenaneo la Pabalelo ya Naga le ikgafile go pabalelo ya mehuta ya dinonyana tše di lego kotsing ka Afrika Borwa le mafelo a tšona a bohlokwa kudu le ditshepedišo tša tswalano ya diphedi le tikologo ya tšona, go theilwe godimo ga dinyakišišo tša mahlale, taolo le go tsenela ga bakgathatema.
Lenaneo la Mahlale le Boitlhamelo
Lenaneo la Mahlale le Boitlhamelo le ikemišeditše go thekga pabalelo ya dinonyana le mafelo a tšona a bodulo ka tlhabollo ya ditšweletšwa tše di tiilego ka mahlale. Lenaneo le ga bjale le lebeletše kudu go tšwetša pele pabalelo ya mehuta ya rena ya diphedi yeo e lego kotsing kudu le mafelo a bodulo ka tlhabollo ya mokgwa wa nyakišišo, go hlaola dinetweke tša pabalelo, le go hlola ditšweletšwa tša peakanyo ya pabalelo e le gore re emele gakaone mehuta ya rena ya diphedi yeo e lego kotsing ka gare ga dinetweke tša mafelo ao a šireleditšwego ao a lego gona.
Lenaneo la Pabalelo ya Dinonyana tša Lewatleng
Lenaneo la thibelo ya tlaišo ya dinonyana tša lewatleng le ikemišeditše go sesefatša phokotšego ya dinonyana tša lewatleng, metsemagaeng gape le go ralala le lefase ka bophara. Dinonyana tša lewatleng di bjalo ka sešupo sa bophelo bja lewatle efela ka madimabe le manyami ke tšona di tšhošetšwago go feta tše dingwe tša dinonyana tšeo di lego kotsing kudu lefaseng. Šedi ya rena e lebišitšwe kudu go dinonyana tša lewatleng tšeo di hlaselwago ntle le maikemišetšo, polokego ya bodulo bja tšona, polokego ya diphedi gape le go ikopanya le barei ba dihlapi.
Lenaneo la Melawana le Thekgo phatlalatsa.
Lenaneo la melawana le thekgo phatlalatša la BirdLife ya Afrika Borwa le tliša thekgo go mananeo a mangwe a go thibela a mokgahlo goba lekala. Le ikemišeditše go šogana le mathata a tikologo ao mananeo a a lebaganego le ona kamoka ka go šoma go momaganya ditaelo tša go thibela go ba melao le melawana ya maleba gape ka masolo a thekgo ya phatlalatša ao a šomago.
Lenaneo la go Matlafatša Batho
BirdLife ya Afrika Borwa e hlatha gore batho le setšhaba ba bohlokwa go mošomo wa pabalelo ya naga. Lenaneo la go matlafatša batho le ikemišeditše go eletša, go matlafatša, go ruta gape le go tlabakela ditšhaba go ba baemedi ba dinonyana tša rena le bodulo bja tšona gape le go ba baamogedi ba ikonomi ya bophelo.
African Birdlife
African Birdlife ke ye nngwe ya dimakasine tše di etilego pele tša pabalelo lefaseng. E tšweletšwa gabedi ka kgwedi, gape e na le dihlogo tše di bolelago gabotse tšeo di kopantšwego le diswantšho tše di tšerwego diswantšho tše dibotse tša dinonyana tša kontinente ya rena.
Boleloko
Eba leloko la BirdLife ya Afrika Borwa lehono gomme o thuše go boloka dinonyana tša naga ya rena tša go fapafapana.
Peeletšo ya rena ya boleloko e tla le palo ya mehola yeo e akaretšago ditokollo tše tshela tša makasine wa BirdLife ya Afrika Borwa, African Birdlife, mangwalo a ditaba a lesomepedi (12) a inthanete, setifikeiti sa boleloko le sekgorametši sa bumper. Sa bohlokwa, lentšu la gago le tla kgatha tema ye kgolo go šireletšeng dinonyana tša naga ya rena le mafelo a tšona a bodulo.
GoBirding
GoBirding ke boemo bjoo bo hlotšwego go abelana ka maitemogelo ao a thelelago ge go akanywa go tšewa maeto a go bea seemo sa dinonyana mageng a tšona leihlo. O na le tshedimošo ya maeto a go bea seemo sa dinonyana leihlo, mafelo a dinonyana, tlhahlo ya selegae, baotledi ba maeto, marobalo magareng ga tše dingwe.
Bird of the year
Re motlotlo go le tsebiša ka nonyana ya legodi elego Lekoni Kutu (Kgwadira) (Terathopius ecaudatus) mo ngwageng wa ketepedi-masomepedi nne (2024) bjalo ka nonyana ya mmapaale ya BirdLife ya Afrika Borwa.
Mohuta wo wa legodi o tumile kago kgahlisha ga yona le ponagalo ya yona yeo e makatšago le boitshwaro bja yona bjo bo makatšago bja go fofa. Ruri Kgwadira yeo e fofelago godimodimo ga sethokgwa sa Afrika, ka tšhišinyego ya yona ya go šikinyega, ya go thelela, ke ye nngwe ya dipono tša seswantšho kudu tša naga ya rena le kontinente ya rena ka bophara. Lege Lekoni Kutu e bontsha seswantsho sa nonyana ya goba le sebete se segolo le se se tiilego bjalo ka dinonyana tše di ngwe, ka bomadimabe di arotšwe bjalo ka tše di lego kotsing ya selete, ka phokotšo ya palo yeo e akantšwego go 50% mo mengwageng ye masome nne (40) ye e fetilego. Go kwagala gore go shetše palo ya ka fase ga sekete (1000) ya Dikoni Kutu tse kgolo mo seleteng.
Go hwetša tshedimošo ka botlalo, etela go https://www.birdlife.org.za/bird-of-the-year-2024/
“Rata dinonyana. Rata naga ya gago”
“Rata dinonyana. Rata naga ya gago” ke tsela ya go kopanya ma Afrika-Borwa ka tlase ga folaga e tee, go hlohleletša batho go lota bohwa bja bona gape le go keteka lefelo la go huma la bophelo bja dinonyana leo re le bitšago legae.
Re hlotše phetolelo ya folaga ya setšhaba re šomiša tše dingwe tša dinonyana tše di tlwaelegilego (le tšeo di sa tlwaelegago kudu), tšeo di hweditšwego go tšwa tlhohleletšong ya dinonyana ka mebala e tshelela ya folaga ya rena ya naga. Mebala eo go akaretšwa: Mogogobane (Cape Crow) (e ntsho); Thaga (Yellow Weaver) (mosehla); Dikgwapa (Cape parrot) (e tala); Mogolodi (Great Egret) (e tšoeu); Thagalehlaka (Southern Red Bishop) (wo mohwibidu); le Peolwane (Barn Swallow) (e pududu).
Bjalo, go gongwe le go gongwe o lego gona ka nageng ya rena re re “Rata dinonyana, rata naga ya gago”. A re ketekeng bo botse ebile e le semaka sa bohwa bja naga ya rena mmogo.
O nyaka go ba karolo ya lelapa la BirdLife ya Afrika Borwa? Ikgokaganye le rena ka go šumiša tshedimošo ya dikgokaganyo ya ka tlase:
Mogala wa kantoro
(011) 789 1122
Imeili:
Boleloko:
Dikgokagano tša leago
Facebook: BirdLife South Africa
Twitter: BirdLife_SA
Instagram: birdlife_sa
LinkedIn: BirdLife South Africa
Tshupabodulo:
Isdell House
17 Hume Road
Dunkeld West
2196